Tradhisi Prepegan ing Kutha Tegal

Prepegan yaiku salah sawijining tradhisi kang wigati banget ing Kutha Tegal. Tradhisi iki di tindakake ing wulan ramadhan, mepeti Hari Raya Idhul Fitri. Tradhisi prepegan yaiku tradhisi belanja kanggo kebutuhan hari raya, biasane ing pasar tradisional, supermarket utawa pusat perbelanjaan sakliyane.

Prepegan kuwi kaperang dadi loro, yaiku prepegan cilik lan prepegan gedhe. Prepegan cilik biasane H-2 sakdurunge hari raya, dene prepegan gedhe kuwi H-1 sakdurunge hari raya. Dadi kebayang toh, kaya apa ramene ning pusat-pusat perbelanjaan kuwi?

Ing tradhisi prepegan iki uga ana belanjanan-belanjanan sing biasane kudu di tuku ing antarane kayata: sarung kupat, daging-dagingan, beras, parsel, sandangan lan barang-barang sembako sakliyane. Kang gawe menarik kuwi ing pasar tradisional ing daerah Kabupaten Tegal daerah kidul, apa meneh sing ana ing daerah dataran tinggi. Biasane wong-wong sing ana ing daerah dataran tinggi pada mudhun nggawani barang-barang sing arep di dhol. Sing biasane di gawa ana ayam, wedhus, kayu bakar, sayur-sayuran, lsp.

Prepegan ora mung ana ing daerah Tegal tok, nanging uga wigati ing daerah Brebes. Dadi aja padha kaget yen arus lalu lintas mudik kadang ana sing di alihna.